18.5.23
Mes das Letras: DichoLeo!
5.5.23
Mes das Letras: GALICÓMIC!
Chegou... o gran día!
A nosa produción propia anual xa está na imprenta e aquí se presenta en formato dixital.
Unha produción de tod@s, que este curso, en relación co noso PDI e dinamizando a Banda Deseñada, titulamos GaliCómic.
Cada aula ideou, creou o seu propio cómic en relación con Galicia: experiencias escolares, historia, aventuras, gastronomía, os seres mitolóxicos e... ata unha heroína! Temáticas diversas as que conforman os 8 cómics que en primicia presentamos e que compartiremos polas aulas ao longo da semana das Letras Galegas (do 15 ao 19 de maio)
Unha proposta de actividade anual, enmarcada no PDI NÓS, que nos permitiu crear a nosa propia marca:
GC do Milladoiro
(GaliCómic do Milladoiro)
Só nos queda dicir...
13.2.23
Día Mundial da Radio 2023
Seguindo a proposta de actividades do 2º trimestre, conmemoramos o Día Mundial da Radio gravando en Radio Balea o noso conto de produción propia, o cal ideamos entre todas e todos, ao longo do 1º trimestre, coa máquina de escribir como protagonista e dentro da actividade NÓS... tamén escribimos!
Asemade, participamos na convocatoria feita por Ponte... nas Ondas! baixo o lema Radio e Paz, proposto pola UNESCO, co podcast creado polo alumnado de 5º e 6º de EP: Rap pola Paz e que podedes escoitar a continuación.
Felicitar a todas e todos polo gran traballo desenvolto, uns podcasts contado e cantado para celebrar.
Feliz Día da Radio, hoxe e todos os días do ano.
13.6.22
O noso xogo: E ti, de quen vés sendo?
Leer más publicaciones en Calaméo
Presentamos, en primicia, parte do xogo que en comunidade comezamos a crear no presente curso en relación co PDI que nos ocupa.
Un xogo de produción propia ideado a proposta do Equipo Creativo, en colaboración co Equipo de BE-DL, para reforzar a formación de usuari@s da nosa Biblioteca e profundizar nas nosas raíces: Malpica e Galicia.
Seguen en imprenta as tarxetas de preguntas e repostas elaboradas por cada grupo-clase arredor de Malpica e en produción as fichas-faro, gobeletes-nasa, polbos e caixas.
O vindeiro curso esperamos completar as tarxetas con preguntas arredor de Galicia, mais seguro que damos bo uso a esta primeira parte do noso xogo.
Parabéns a tod@s, pola fantástica produción creada en comunidade e con identidade.
30.5.22
Dicionario Malpicán
Leer más publicaciones en Calaméo
Presentamos o segundo produto final, despois da exposición de fotografías de Malpica, derivado do PDI NÓS: patrimonio in-MATERIAL!, o Dicionario Malpicán.
Palabras e expresións propias da nosa pequena comunidade recollidas grazas á colaboración das familias e redactadas polo alumnado, conformando un libro de produción propia que ocupará o número 4 da CDU da nosa Biblio: producións propias.
Agradecemos a colaboración de tod@s para producir, un curso máis, un produto noso, moi noso.
22.5.22
Booktubers 5º Educación Infantil
Onte pechou a Biblioteca Escolar por este curso 2021-2022 e a semana pasada cada alumno/a buscou o libro que máis lle gustara durante este curso (xa fora que o levara nas bolsiñas viaxeiras, nas mochilas viaxeiras ou que lles lera os maiores nos recreos durante o Hoxe le...) e aínda que foron moitos e costounos decidirnos, finalmente fixemos unha selección moi variada. Así que hoxe grabamos as nosas recomendacións de lecturas para os nosos compañeiros/as.
Suscribirse a:
Entradas (Atom)