Leohle

Jutta Bauer ou o debuxo das emocións

2012-01-18T17:29:00.000+01:00

Animaciones Jutta Bauer from Blanca Lena on Vimeo.

Naceu en Alemaña en 1955 e, depois de estudar na Escola Superior de Deseño dedicose por enteiro a debuxar. Primeiro foron panfletos e carteis políticos que reflectían o axitado mundo dos anos sesenta para logo volcarse de cheo na literatura... ¿infantil?
Hoxe, Jutta está considerada o referente principal da literatura infantil progresista porque os seus debuxos sempre falan de liberdade.
Ela sostén que non hai tema vetado para a literatura infantil e defende unha perspectiva non pedagóxica á hora de contarlle unha historia a un rapaz de 6 a 8 años, De feito os seus libros teñen sempre varios niveis de lectura, infinidade de posibles sentidos e fan disfrutar xuntos a pais e fillos. Sempre cunha ollada desprovista de moralidade, emotiva, comprensiva coas debilidades máis propiamente humanas... tal vez sexa este reasgo o que a fai tan grande, tan universal.
En galego aínda non podemos disfrutala pero en castla´n dispoñemos de :

Madrechillona
La reina de los colores
Sencillamente tú
El angel del abuelo
Emma...

todo eles editados por Lóquez Ediciones
Deixovos unha entrevista que ven de concederlle ó xornal arxentino La Nación e esta outra que concedeu á revista Babar.
Disfrutade desa montaxe que recolle algúns dos seus debuxos.

Galego-Inglés

2012-01-10T12:08:00.000+01:00

A editorial Ir Indo, ven de pór no mercado unha colección que nos gusta.

Trátase de Letra Grande, 8 títulos dirixidos a primeiros lectores e teñen as características acaídas para eles: unha gran imaxe de páxina completa acompañada de texto curto, en maiúsculas e en ambos idiomas.
As historias teñen sustancia: son contos entretidos, e cunha relato convencional que flue e desenvólvese. E digo esto porque é frecuente que este tipo de textos se queden no obxectivo do texto bilingue e didáctio e esquezan a historia en si mesma co que nenos en enas enfréntanse a eles con aquela idea de ...outro libro didáctico!
Os textos son todos de Enric Lluch e as ilustracións de diferentes debuxantes.
Nós vimos de incorporalos coa idea de facelos circular nas mochilas viaxeiras que tanto fan disfrutar a pais e fillos cada vez que chegan ás casas.
Desde a escola agradecemos sempre estas iniciativas editoriais de calidade que nos axudan a facer mellor o noso traballo. Agora só hai que apoialas :-)

Felicidades fantásticas

2012-01-04T13:54:00.001+01:00

Felicitación nadal

View more presentations from biblioteca escolar milladoiro malpica.

A comunidade escolar do Milladoiro felicitavos as festas con esta presentación do que máis nos gusta este ano: os contos clásicos.
Feliz e fantástico ano para todos e todas!

Feliz 2012

2011-12-31T19:52:00.002+01:00

Un ano 2012 cheo de contos!
Este é o noso desexo para tódolos nosos amigos e amigas... e para nós mesmos!

Panxoliñas

2011-12-16T14:57:00.000+01:00

O grupo Mamá Cabra xa nos ten afeitos a un alto nivel de calidade nas súas produccións. Desde a súa chegada ó panaorama musical infantil da música galega, unha vez tras outra foron fornecendo ás aulas, ás familias... de materiais necesarios para cantar en familia... EN GALEGO.

Pero, na miña opinión, desta volta superáronse a sí mesmo ofrecéndonos este disco REDONDO: todo el divertido, sinxelo, atual, moderno... Panxoliñas na súa inmensa maioría que falan dun nadal laico recollendo esa tradición dos cantos de nadal non relixiosos pero festivos.
Letras de poetas consagrados na literatura infaltil galega como Antón Cortizas, Antonio García Teijeiro ou Gloria Sánchez e a voz de Gloria Mosquera, estamos ante un producto que durará anos no mercado e acabará convertido nun clásico.

Coma decote, a distribución é.... irrugular, así que queda nas mans de profes e rapaces dalo a coñecer, pedilo e, sobre todo: CANTALO!!!
Deixovos un podcast con algunhas das que seleccionaron profes do noso cole para o festival de Panxoliñas que faremos o vindeiro mércores.

A figueira de Pelostortos

2011-11-03T16:55:00.004+01:00

Un texto de Ana García Castellano a partir dun conto tradicional que fai as delicias dos rapaces ¿De cales? Pois... de todos. Tómolo lido en Infantil, en 2º... e desta volta foron os nenos e nenas de 5º no marco da II Semana de Lecturas Terroríficas coa que celebramos o Samaín.
E o disfrute foi o mesmo que fora cos máis pequenos pois o libro esa característica das historias propias da tradición: que non teñen idade.
Un grupo de nenos quere comerlle os figos a un veciño. E este non se deixa... A partires de aí desenvólvese a historia que ten noite, pantasmas, santa compaña... ¡e final feliz!
Está publicado por OQO Editora e é, de verdade, un libro para ler en familia.

Repugnante y nutritiva

2011-10-14T11:16:00.000+02:00

Vimos de incorporar este texto da Editorial Océano que nos namorou nada máis saber del.

Un libro de cociña. Un libro irreverente e provocador, con receitas sans e nutritivas e unhas ilustracións divertidas.

Dirixido a toda a familia, busca achegar ó lector á boa comida dun xeito divertido e natural.

Os nomes das receitas, tales como: Sanguijuelas fritas, Pis y caca, Dientes podridos, Sangre coagulada... non deben enganarnos pois todas están feitas con ingredentes saudabeis.

O título é un xeito de achegar ós rapaces tanto á lectura coma á boa comida.

Magnífico para o Samaín!

En América do Sur ten tanto éxito que ten o seu propio blogue no que a autora segue a incorporar novas receitas:

Que bonito é Panamá!

2011-09-24T19:26:00.008+02:00

A Editorial Kalandraka reeditou en 2010 este libro que xa é un clásico na literatura infantil. Nós vimos de incorporalo á nosa colección.
Escrito e debuxado por Janosch, tráta da viaxe de dous amigos (un oso e un tigre) en busca do seu lugar ideal: Panamá!

Unha historia deliciosa que fai reflexionar a grandes e pequenos sobre o que temos diante e non vemos, sobre o valor do que posuimos, e sobre o valor da amizade incondicional baseada no respecto á diferencia, na complicidade e na comprensión.

O texto está cheo de humor fino e deixanos un sabor a inocencia e optimismo, ambos tan necesarios nestes tempos.

Ó rematar a lectura é posible que o lector máis informado se pregunte...¿Por que ir a Panamá?

Aniversario

2011-07-18T10:31:00.001+02:00

En 2006, a xornalista Mª Antonia Iglesias, publicou este libro que vos traio hoxe: Maestros de la República
Trátase de dez historias de mestres e mestras que exerceron o seu maxisterio durante a II República Española, asunto que acabou por custarlles a vida.
As historias están contadas por familiares e tamén por alumnos e alumnas daqueles homes e mulleres que remataron pagando coa súa vida o labor que o goberno da República considerou o seu traballo máis importante: educar cidadáns e non súbditos.
Foi este o proxecto máis ambicioso do goberno republicano: crear escolas (13.000 en dous anos) e aumentar o número de mestres así como a súa preparación.
No libro, Iglesias contou coa participación de José María Maravall, Xosé Manuel Beiras, Santiago Carrillo, Luis Mateo Díez, Josep-Lluís Carod-Rovira, Manuel Vicent, Joaquín Leguina, Javier Cercas, Félix Grande, Almudena Grandes y Luis García Montero, todos eles autores dos prólogos que acompañan ás historias.
Nun día coma hoxe, cómpre seguir mantendo viva a memoria. Porque, ademáis, a historia non sempre cmiña en liña recta e hacia diante.
Tamén Las bicicletas son para el verano

Bibliotecas y escuelas

2011-07-11T13:00:00.000+02:00

Bibliotecas y escuelas. Retos y posibilidades en la sociedad del conocimiento
Océano Travesía (2008)
Coordinado por Elisa Bonilla, Daniel Goldin e Ramón Salaberría, o libro é unha conversa entre diferentes puntos de vista na que o top-ten dos especialistas en bibliotecas escolares de ambos lados do Atlántico, reflexionan sobre o papel destas no marco dos centros educativos como espazos decisivos para mellorar o rendemento escolar e a igualdade de oportunidades.
Relamente é un estudo moi completo pois, ademáis do abc das Bes no tocante a disposicións internacionais, requisitos básicos da colección e as instalacións, a reflexión chega ó que é realmente sustancial: como incluílas no traballo regular das aulas.
Interesantísimo o capítulo que a profesora Celia Díaz dedica ós libros de texto: Libros de texto y bibliotecas: un libro o muchos materiales que aporta luz sobre ese tema sempre espiñoso.
Pero, pola súa especial actualidade, quero destacar a Daniel Cassany e a súa reflexión sobre Bibliotecas en la era digital.

Un libro de obligada lectura para calquera educador (de E.Infantil a Bacherelato) consciente do seu rol.
Ademáis dos xa citados, contén excelentes colaboracións de Guillermo Castán, Teresa Colomer e Michéle Petit, entre outros.
En palabras dos coordinadores:
Más allá de un espacio y una colección de documentos, la biblioteca significa servicios (...) posibilita otro tipo de relación con el conocimiento.
La nuevas tecnologías brindan formidables oportunidades de alcanzar esta formación, por ello no deben oponerse a los libros sino integrarse plenamente en las bibliotecas.
Estou segura de que se convertirá nun libro de cabeceira.

Tamén navegar

2011-07-07T12:52:00.001+02:00

No marco dos X Encontros de Embarcacións Tradicionais de Galicia e na praia de Carril, o pasado sábado tivo lugar a presentación do libro Tamén navegar editado por Toxosoutos coa financiación do Programa Europeo Fishernet.
Trátase dunha antoloxía na que aparecen sesenta e sete autores da literatura galega de tódolos tempos que nos seus poemas fixeron alusión á carpintería de ribeira e ás embarcacións, manifestacións ambas da cultura mariñeira galega.
A escolma levouna a cabo Francisco Fernández Naval e recolleu douscentos poemas dos cales na presente obra aparecen cento dez, o que nos convida a pensar que, en podendo, haberá unha segunda parte.
Nos poemas, ás veces as embarcacións navegan entre os versos deixando tras de si un ronsel de emocións e outras destaca o valor simbólico que o poeta lle confire.
Desde os poetas medievais ate os máis actuais, os barcos tradicionais e a súa construcción están presentes ofrecendo unha ampla referencia plural e rica en matices.
Foi unha experiencia singular e inesquecible escoitar as voces poéticas destes creadores no marco dun solpor fermoso na praia de Carril.
Deixovos tamén o video de Malena coa declamación de Anxo Angueira, para que participedes da emoción do acto.

Cristobal Colón: un mar, dos orillas

2011-06-13T11:35:00.002+02:00

Atopamos de casualidade este libro sorprendente.
Sabedes can aficionada son ós libros de biografías e, con frecuencia búscoos para vós. Son especialmente relevantes cando traballamos a Historia con técnicas ALFIN.
Ben, pois explicarei que ten de singular este escrito e debuxado por Marta Rivera Ferner, coa colaboración no texto de Alberto Urcay.
Para empezar non repite aquelo de que Colón era un mariño xenovés. Tampouco pasa de longo sobre as dificultades que tivo para conseguir ser financiado na súa empresa (fala de empresarios e cartos!), senon que narra resumidamente as diferentes peticións a diferentes monarcas. Fala claramente dos coñecementos científicos que impulsaban o soño de Colón, sen presentalo coma un visionario. Fala das dificultades na longa e incerta navegación e explica o dos dous diarios de abordo. E, por último, describe a escena da chegada a terra na que dúas culturas e dous mundos se contemplan por primeira vez frente a frente.
Todo esto sen deixar de ser un conto para nenos no que as ilustracións son certamente deliciosas e moi coidadas na documentación.
Gústame que os autores respecten ós rapaces e recomendovos desde hoxe a lectura deste libro no desexo de que a historia se escriba para nenos e nenas moitas máis veces desde este prisma.
Edita Brosquil

Clásicos que desaparecen

2011-05-26T12:23:00.002+02:00

Os contos clásicos son historias que se van transmitindo de xeración en xeración. Teñen unha forma que os fai propicios para seren comprendidos en calquera dos seus niveis de lectura por calquera oínte. A súa forma tradicional de transmisión é oral e é precisamente neste formato no que máis se disfrutan: nenos e maiores estamos sempre dispostos a escoitar un conto.
O seu valor, o que din, mantense constante e intacto durante séculos o que nos indica a súa intemporalidade: falan de problemas universais, de medos universais, de conductas universais. E ofrecen modos de resolver.

Pais e mestres somos conscientes do seu valor educativo e mantémolos nas coleccións das nosas bibliotecas (escolares ou familiares) e nos relatos que escollemos contar ós nenos e nenas.
Nos últimos anos asistimos á moda de cambialos, limalos, amputarlles aquelas partes que nos parecían máis delicadas... co que comezamos a ofrecer versións que, se ben eran estéticamente agradables, perderan todo o seu valor educativo. A este fenómeno contribuiron as grandes produccións cinematográficas de animación que chegaron a ofrecer versións escasamente relacionadas coa historia orixinal.
Para familias e educadores que queirades afondar máis na simboloxía univerasl destes contos, é de imprescindible lectura o libro de Bruno Bettelheim Psicoanálisis de los cuentos de hadas.

No vindeiro curso este será o noso tema para o traballo colectivo e, preparando os materiais, comezamos a facernos con versións de calidade.
Descubrimos, deste xeito que ese magnífico exemplar do que vos ofrecemos a imaxe, que no seu día foi editado por Ed. Xerais xunto con outros dous volumes adicados a Perrault e ós Grimm...¡ven de ser descatalogado pola editorial!
Un paso máis na desaparición do mercado de libros de calidade e en galego.
Neste momento non hai nada máis no mercado que a aportación de Kalandraka
Sobre este asunto, que nos parece da máxima importancia, reflexionaremos nunha vindeira entrada.
De momento, e se apurades, se cadra aínda podedes conseguir algun exemplar dos volumes que vimos de comentar que, ademáis, teñen a particilaridade de seren versións orixinais. Nós xa as temos.

Ler en familia

2011-05-05T12:38:00.000+02:00

No seu papel orientador respecto dos libros e a lectura, o Laboratotio de lectura da FGSR ven de publicar este documento. A intención é a de animar, potenciar e orientar a lectura desde a familia.
O certo é que teñen un longo camiño andando neste sentido pois desde o comezo, coma nós, creron cegamente no rol motivador da familia nesto eido. Un neno ou nena educados nunha familia que entende a lectura coma unha actividade máis, para disfrutar xuntos, non pode ser igual que o que fai nunha familia para quen esa mesma actividade é un traballo que se relaciona fundamentalmente coa escola, cos deberes, e co éxito (ou o fracaso!)
Estes días reflexionaba eu, ó fío da actividade dos padriños lectores sobre o inmenso poder que dá rodear algo de afectividade positiva: enlazar lectura e afecto, lectura e complicidade, lectura e pasalo ben, lectura e axuda, lectura e guía... Non é o mesmo!
Hai algúns anos fixemos desde a nosa biblioteca un caderniño con este fin que enviamos a tódalas familias. Hoxe convidámosvos a mirar este vídeo e, se o credes convinte, a visitar a páxina da Fundación.
Vímolo no blogue de Darabuc

Ana María Matute en Pontevedra

2011-05-01T20:31:00.000+02:00

Ó fío da entrada anterior, unha boa amiga fainos chegar a reseña do paso de Ana Mª Matute polo Salón do Libro de Pontevedra no ano 2006.
Xa daquela, non quixo impartir unha conferencia senón que se limitou a responder as preguntas do público.
Despois de afirmar que os seus contos favoritos son A sereíña e O parrulo feo, dixo que:
os contos para nenos son o máis parecido que existe á poesía, porque dan o máximo a través do mínimo.
E, xa naquela ocasión esbozou o que agora dixo con tantos altofalantes diante:

...cambiarlle o final ós contos clásicos para facelos politicamente correctos é absurdo, monstruoso e estúpido, e a estupidez, dixo “é aínda peor que a maldade”. “¿Por qué os nenos non len? Porque lles quitaron o sal e a pementa ós libros. ¿Queremos crear nenos imbéciles que se darán de tortas coa vida cando se lles poña á fronte? A min encantábame o lobo porque é sumamente atractivo e ó lobo valo atopar na vida cando sexas maior.
A que dá gusto oíla?

Reivindicación dos contos clásicos

2011-04-28T16:24:00.017+02:00

O Premio Cervantes 2011 foi entregado onte á escritora Ana María Matute.
Fermoso o seu discurso no que explica a maxia das palabras máxicas Había unha vez... que excitan a imaxinación infantil ate facer que xa non pare.
Conmovedor discurso, sinxelo e directo no que desgrana partes da súa biografía en relación ós libros e a lectura.
De verdade que é un placer escoitala.
"Por fin el cuento ha ingresado entre los géneros respetados de nuestra literatura...(...)Sobre la famosa crueldad de los cuentos de hadas, que por cierto no fueron escritos para niños (...) me estremece pensar saber que se mutilan bajo pretextos inanes de correcciones políticas más o menos oportunas y que unas manos depredadoras imaginando, tal vez, que ser niño significa ser idiota, convierten verdaderas joyas literarias en relatos, no sólo mortalmente aburridos sino, además, necios. Y aún nos preguntamos por qué los niños leen poco?"
Fermosísima reivindicación dos contos clásicos que eu sorprendínme de escoitar facer nun escenario tan especial (o millor, diría eu!)Xa ía sendo hora de que alguén co prestíxio suficiente dixese esto alto e claro.

Grazas, Sra. Matute. Por todo.

AQUÍ o pdf do discurso

Una visita moi nutritiva

2011-04-07T12:05:00.001+02:00

Vimos de recibir neste blog a visita de Darabuc, que amplía coa súa reflexión a nosa visión sobre o seu último libro xa comentado neste espazo.
Nada máis interesante que falar cun autor sobre a súa obra, así que reproducimos as súas palabras polo importante punto de vista que nos aportan:
Me daba respeto enfrentarme con este cuento. Creo que es fácil patinar por esa senda, o al menos yo la recorrí con inseguridad. Hay varios momentos en los que al cambiar una sola palabra cambiaba toda una serie de connotaciones. Pero a la vez, tenía muchas ganas de encontrar un modo de contarlo. Además me interesaba el personaje de la madre hoy. Ya no vale desautorizar o desacreditar de un golpe las decisiones que nadie nos ha enseñado a comprender, lo que en la tradición representa el padre como figura de autoridad indiscutible. Desde el punto de vista de la hija hay una ruptura porque así se siente que debe ser, pero ¿desde el punto de vista de la madre, qué queda, qué se hace? Esas eran la clase de preguntas que a mí me hacía el cuento.
E continúa:
Sobre el tema de las madres, ahí, aunque escondida, está también la dedicatoria. En cierta manera, el cuento se abre con madres, las de la dedicatoria, y se cierra con madres, la de Sol.

Grazas, Darabuc, por visitarnos e conversar. E por enriquecer a nosa mirada literaria.

A sesta dos enormes

2011-03-21T12:44:00.001+01:00

A sesta dos Enormes é unha das nosas últimas incorporacións e de cuxo éxito non dubidamos.
É un deses libros retablo que, no marco dunha historia, cóntannos outras catro e... finalmente ... todo cadra.
Resulta que a familia Enorme vai pasar un día á praia. Xogan, báñanse, comen... e á hora de facer a sesta os pequenos descobren que esqueceron na casa o libro de durmir. E, se non hai libro, non haberá sesta. Pero topan unha solución: papá será o encargado de inventar cadansúa historia para durmir a partir dunha pregunta de cada un deles.
E así é: Por que hai ondas no mar? Por que os peixes son de cores? Quen cura os animais do mar? ou Por que as nubes teñen formas?... son as preguntas que darán lugar a catro fermosísimas historias todas elas ambientadas no mar e en seres mariños.
A que xa tendes ganas de lelo?
O texto é de Pep Bruno, a quen xa coñecemos por Pétala, O libro de contar, A noite das mudanzas... e que nos encanta polo seu marcadísimo gusto polas boas historias. Conta coa magnífica complicidade de Natalie Pudalov a quen coñecimos polo seu traballo en A voda do galo Pinto e que volve sorprendernos cun mundo cheo de azuis, detalles e fantasía.

Tres han de ser

2011-03-16T19:11:00.005+01:00

Eiquí tendes o último libro de Durabuc editado por OQO e deliciosamente debuxado por Fátima Alonso.

Teño que admitir que cando o lin, volvín lelo. Potra vez. Ademáis de por que me gustou, necesitaba eu saber si de verdade poñía o que eu viña de ler.
E así era.
Porque lembrei o conto tradicional de Los tres maridos e, efectivamente o que fai o autor é adialo, refrescalo e facelo máis actual pero sen tocar a esencia do conto de tradición oral que no seu momento recolleu e plasmou en Cuentos, a escritora Fernán Caballero.

Ten tódolos compoñentes da literatura fantástica tradicional: o número tres, as probas, os personaxes bondadosos que colaboran co heroe, os obxectos máxicos, a resurrección...
... e o triunfo final do desexo da protagonista!
Persoalmente, encántanme as historias sen concesións a almibares e dulzores varios. As versións descafeinadas que acaban perdendo todo o sentido da historia primitiva consiguen ser moi correctas. Pero teñen un pequeno problema: non din nada, non ensinan nada. Perden así toda a súa carga de iniciación e aprendizaxe.
Non esquecemos que a literatura foi sempre a gran aliada da educación e baixo esa luz medraron e transmitíronse de xeración en xeración os contos tradicionais.

Por eso me gusta este libro: porque estou segura de que vai ser lido, contado, escoitado... mil veces.
Tamén para maiores porque, coma decote, hai diferentes niveis de lectura e os maiores veremos os mitos de Ícaro, Lázaro e Fausto.

Un libro que fala de liberdade individual, da forza dos desexos, de escoller libremente e de respecto á diferencia. Case nada!

Xa o temos na biblio á vosa disposición.

O libro dos porcos

2011-03-08T11:10:00.000+01:00

O libro dos porcos

View more presentations from bibliobeade

Desde o 2006 en que foi editado por Kalandraka, contamos con este fermoso libro que hoxe ven a conto lembrar.
Trátase dun texto escrito e debuxado por Anthony Browne que narra a vida cotiá da familia Porcón. Pai, nai e dous fillos. A señora Porcón, farta de lavar, cociñar, limpar... e ser invisible! decide marchar da casa.
As excelentes ilustracións de Brown presentándonos ós protagonistas con aspecto humano pero...CARAS DE PORCO, fan a histoira máis crible, máis cercana, máis REAL. Toda a historia transpira un acedo humor.
Na biblio temos varios exemplares.

Para convivir

2011-02-27T20:31:00.001+01:00

Xa nos gustou cando coñecimos esta presentación que vedes. E, por fin, conseguimos que chegara ós nosos andeis.
Escrito e ilustrado pola autora francesa Isabelle Carrier narra o día a día de Lorenzo: un rapaz diferente. Os seus problemas e problemiñas, as dificultades, os obstáculos que debe afrontar... PERO tamén nos conta as súas cualidades.
Un libro cunha vocación claramente didáctica pero coa cantidade suficiente de literatura como para que resulte agradable lelo.
Moi agradable.
Eu diría que para moitos lectores pode tratarse dun libro terapéutico.

O soldadiño de chumbo

2011-02-25T12:24:00.002+01:00

Hai días que vimos o video pero.... agora XA temos o libro!!! Co seu DVD. Así que, en breve, poderedes levalo emprestado.
Trátase da historia tradicional do conto de Andersen (adaptada por Xavier Senín) pero adiada na animación da man de Virginia Curiá e Tomás Conde. Un traballo de Continental Produccións para o 60 aniversario da Editorial Galaxia.
Todo un despliegue da excelente escola de animación que temos en Galicia, rodado no museo do Xoguete de Allariz.
Unha fermosura!

La autentica historia de los tres cerditos

2011-02-10T16:56:00.005+01:00

Neste percorrido que andamos a facer polos contos clásicos topamos con este libro delicioso. Trátase da historia tradicional, a que coñecemos pero... esta vez contada desde o punto de vista do lobo.
Si. Do mesmiño Sr. Silvestre Feroz que nos conta a súa versión dos feitos. Tamén aquí hai tres porquiños, e tres casas derrubadas pero... agora e él quen nos conta como sucedeu todo.
Importante para reflexionar que unha historia, calquera historia, ten sempre, alomenos dous puntos de vista.
Teredes que escoitalo a el (lelo, neste caso) para tirar as vosas propias conclusións.
Un libro fermoso escrito e dubuxado por Jon Scieszka e Lane Smith e publicado por THULE ediciones
Deixovos, tamén unha presentación en slideshare

Guillermo Jorge Manuel José

2011-02-09T20:28:00.001+01:00

Guillermo Jorge Manuel José unha obra de Ed. Ekaré escrita por Mem Fox e ilustrada por Julie Vivas, dúas mulleres australianas.
En ocasións pensamos que hai temas que están fora do mundo dos nenos pero, ben pensado, NADA está fora. Si os nenos están no mundo TODO lles toca.

E esta é la gran aportación deste libro. Ambas (autora e ilustradora) collen un tema peliagudo ( o mal de Alhzeimer) e fan del un tratamento cercano ós nenos pero sen edulcorar, sen quitar: APORTANDO

Maxistral a forma de facer a pregunta UNA MEMORIA? En lugar de A memoria.

E mellor aínda a resposta: ALGO QUE SE RECUERDA. Así. En positivo. Sen relacionala con algo que non se ten, que se perdeu.
Ese é o truco do texto: é positivo e incita a FACER.
e¿A ilustración? Da man do texto: limpa, xoguetona, concreta… e sin perspectiva, sen fondo. So aparece o fondo nalgúns dos debuxos que evocan o recordo.

Tampouco creo que se teña deixado ó azar a elección das colores: cálidas, envolventes e cheas de vida. Non hai nada melifluo na obra.

Unha das funcións da literatura é axudar ós nenos e nenas a elaborar conflictos, a entender e hacer máis lixeiro o impacto de problemas que están na vida e aparecen (mortes, separación dos pais, ausencias prolongadas….) este libro cumplirá sobradamente esa función.

Soberbio.
Para saber algo máis do libro preme AQUÍ. Esta semana incorporámolo á nosa biblio. En breve poderás levalo.

Celtic Roots

2010-12-02T16:39:00.002+01:00

Celtic Roots - GL from Casa de Tolos on Vimeo.
Como froito dun proxecto educativo multidisciplinar Comenius levado a cabo entre nenos e nenas que comparten a cultura atlántica naceu este disco.
En realidade é un CD-DVD que recolle temas de música tradicional galega e irlandesa cantados polos nenos e nenas dos coles: CEIP. Humberto Juanes de Nigrán (Galicia), St. John’s C. Primary School de Manchester (Reino Unido) e St. Cronan’s School de Bray (Irlanda),
Contaron coa colaboración dos músicos: Xose Manuel Budiño en Galicia, Michael McGoldrick no Reino Unido e Dònal Lunny en Irlanda.
Sae á venda o 11 deste mes.
Para saber máis:
PAI Música
Publicidade en Vimeo

La bibliotecaria de Basora

2010-11-29T16:25:00.000+01:00

No ano 2003 o xornal New York Times trouxo a noticia que lle deu pé a Jenette Winter para escribir esta historia. Trátase, polo tanto, dunha historia real que sucede en Iraq.

Unha historia de guerra, de solidariedade e de amor polos libros e polo que significan, polo que aportan á vida dunha sociedade.

Porque será que os dictadores, o primeiro que nos queren quitar son os libros, a lectura, ó acceso ó coñecemento e a cultura?

Ilustrado pola propia autora é un deses libros que, se teñen algo grande, é o que nos fan imaxinar.

Vimos de mercar 3 exemplares que están xa á vosa disposición.

La bibliotecaria de Basora

Narval

2010-11-28T20:21:00.001+01:00

O narval é un cetáceo que vive no Ártico e no Atlántico Norte. É ese que ten un enorme colmillo retorto coma se fose un tirarrollas ¿lembras? Segundo a lista vermella da UICN trátase dunha especie case ameazada pois está sometida a moitas presións medioambientais.

Ben.
POis, a partires de hoxe, NARVAL é tamén o nome dunha nova editorial de literatura infantil e xuvenil. E, asegúrovos que promete. En realidade, presentouse en público o pasado 15 de Setembro, pero nós coñecímola agora.
Prometeron na súa presentación literatura para rapaces de calidade e compremetida. E, de momento, están cumplindo. Teñen catro títulos no mercado que, en breve, estarán tamén na nosa biblio.
Estas novas sempre nos poñen contentos: son fiestras que se abren á calidade e a imaxinación.

Dámoslle, pois, a BENVIDA ó mundo da literatura. Ese que tanto nos gusta.

El arte de volar

2010-11-17T14:46:00.001+01:00

Esta é a obra de BD que ven de ser galardoada polo Ministerio de Cultura co Premio Nacional de Cómic (que é como lñle chaman eles á banda deseñada)

Trátase dunha novela gráfica de Antonio Altarriba (guionista) e Kim (ilustrador) ambientada na Guerra Civil Española (1936-1939) .

O 4 de Maio de 2001 o pai de Altarriba suicidouse. Con ese punto de partida, escribe unha obra que relata-resume-narra a peripecia vital dun home que pertenceu ó bando dos vencidos a pesares de vivir co desexo de construir un mundo máis xusto.

Un perdedor a quen a Historia, de momento, deulle as costas.

Non a lin, aínda pero parece ser que estamos ante un dos libros máis importantes da última década segundo os expertos. Unha obra maestra.

Wikipedia

Érase una vez...

2010-11-11T17:28:00.001+01:00

Velaí un novo libro de Benjamin Lacombe.
Xa nos ten afeitos/as ós libros preciosos, marabillosos, engaiolantes, fermosos... eses libros que miramos unha e outra vez sen poder parar porque é minucioso e detallista nos seus debuxos e están cheos de imaxinación e saber facer.
Nesta ocasión é un deses chamados meta-libros. É dicir: un libro que nos remite a outros libros xa lidos, a historias xa coñecidad polo lector.
Moi útil para que mamá, papá... conte unha historia.
Na biblio, non adoitamos ter libros en popup porque son moi fráxiles e deterioranse axiña, pero deixamos a referencia porque pode ser unha idea para agasallar nestas datas que veñen.
Deixovos un enlace sobre o autor

Libros necesarios e...FERMOSOS!

2010-11-09T12:42:00.000+01:00

Edicións Embora ven de sorprendernos con esta colección. Porque, si ben é cada vez máis frecuente encontrar libros que traten temas transversais e desde a perspectiva dos valores, non o é tanto que o fagan atinadamente conseguindo un producto literario, que guste, que entreteña...e que ademáis sexa educativo!
E este é o gran valor: que gustan e entreteñen, que teñen calidade, que os nenos e nenas non os escoitan (ou len) pensando que se trata dun producto didáctico.
A nós encantéronnos e fixémolos pasar a proba do algodón: levámolos ás aulas de infantil. E asegúrovos que foron un éxito. O segredo de Flora, especialmente.
Saudamos a iniciativa e deixamos un enlace por se queredes saber algo máis.
Por desgraza a web da editora aínda está en construcción, non nos extraña xa que, polo que vemos, concentran toda a súa atención en ofrecernos materiais coidados e seleccionadiños.
Grazas.

Dona Carme

2010-05-30T19:20:00.002+02:00

Dona Carme

View more presentations from ryusak10.

Xa era eu profe, e traballaba con pequenos cando alguén me enseñou este recitado. Está publicado por Ir Indo na Colección O Parrulo¡desde 1990! e aínda é de absoluta actualidade.
Hoxe tiña que falarvos del porque esta semana recomendeino para seren representado por nenos e nenas de 6 anos e hoxe topei con esta presentación no blogue de Manolo Bragado.... e non me puiden resistir porque anque non se trata dunha novidade, si de un libro que non defraudará.
Eu sei outra versión pero... a tradición oral é o que ten!

Marabillas de Galicia

2010-05-28T10:31:00.000+02:00

Os Mil Brancos Dos Esquimos

View more presentations from guest0a13ce5c.

O Ministerio de Cultura de España ven de facer público o listado de libros millor editados no ano 2009.
Na categoría de libros infantís e xuvenís topamos no 2º e 3º lugares dous libros da editorial galega OQO.
Trátase de Cántas pingas na cidade! de e Os mil brancos dos esquimos!

Desde o seu naceento seguimos fielmente as publicacións desta editorial porque nos gusta o seu estilo: respectuoso do texto, mimoso das ilustracións, sempre buscando a excelencia, pensando no lector... e alegrámonos deste recoñecemento que lles chega por duplicado e desde a máis alta instancia do país. Cada vez que chega á nos biblio o paquete cos libros de OQO abrímolo con ilusión porque raramente nos defrauda: sempre conseguen sorprendernos. Se vos fixades ben, neste blog reseñamos moitos dos seus títulos e ouros moitos quedan sen reseñar por falta de tempo.

Parabens para OQO e para os seus lectores.

Esperamos disfrutar durante moito tempo de tanta marabilla.

A voda do galo pinto

2010-04-13T11:49:00.000+02:00

Unha vez máis OQO Editora ofrécenos un libro redondo.
Desta volta trátase dunha desas historias con diferentes niveis de lectura que engaiolará ós pequenos e satisfará ós maiores. Unha historia divertida, e áxil na que un galo prepara a súa voda cunha leitririña. Ela, cegada polo amor só ve eso: o amor. Mentres el ten unha conducta.... deixarei que o leades. Finalmente ela consegue ver a realidade ben aconsellada por unha amiga.
¿O detonante?: unha pluma AZUL
Un libro cheo de valores pero...¡non é un libro didáctico!
É literatura.
O texto é de Juan Alfonso Belmontes e os debuxos de Natalie Pudalov
A partires de agora figurará nas nosas bibliografías sobre muller, feminismo, igualdade... ¡paga a pena!

A nena e o grilo

2010-03-24T17:26:00.000+01:00

A nena e o grilo un libro cd para...para todos e todas. Ritmos tradicionais como a rumba comparten a obra con outros máis actuais coma o regae. En total: 13.
As voces matizadas de Guadi Galego e Uxía Pedreira, as ilustracións de Iván Prieto fan honra ás letras de Magín Blanco. Todos baixo a batuta de producción e dirección de Uxía Senlle.O dito: todo calidade.Tal e como nos ten afeitos a editora OQO.
Nos vos defraudará.

Biografias

2010-03-17T10:48:00.000+01:00

A pasada semana, e co gallo do Día Internacional da Muller Traballadora, organizamos desde a biblioteca escolar un ciclo de conferencias a cargo dos noso escolares do que xa demos conta detallada.
Quero contarvos hoxe cal foi a fonte principal de documentación para os oradores e oradoras.

Trátase das biografías da colección Sabelotodo/as de Ediciones El Rompecabezas.
Cunha linguaxe clara e sinxela, ó alcance de nenos e nenas de 2º endiante, teñen diferentes niveis de lectura. Cada un dos libros está adicado a un personaxe histórico. A información é fiable e de calidade (anque non é TODA, claro está)
Nenos e nenas agradecen topar textos desta clase: respectuosos, serios, informativos e científicos.
Para nós foi, no seu momento, un achádego, do que tentamos tirar todo o partido posible. A biografía é un xénero moi cercano a nenos e nenas e de doada utilización, por exemplo, para achegar épocas históricas.
Teñen un defectiño: están en castelán. O de sempre. Non porque non o entendan, senon porque abondan na idea de que a xente importante e os sucesos históricos sempre transitan a través do castelán.
Será custión de tempo.

Hacia la escuela 2.0

2010-03-12T22:53:00.001+01:00

Divulgación de ferramenas para a escola 2.0.
Estamos ante un libro de propostas concretas e aplicadas á escola.
Porque na escola, a tecnoloxía non significa nada se non sabemos como aplicala ó servizo dos nosos obxectivos curriculares. E, precisamente diso, vai este libro.
Sinxelo (70 páxinas), claro (cheo de capturas de pantalla), aplicado á aula.

Cada proposta ten exactamente o mesmo esquema que a anterior:
A- Ferramenta (Google docs, Google maps, Flickr, Wikipedia, Blogger...)
B- Proxecto
C-Obxervacións

É un libro que tranquiliza a todos cantos non están familiarizados con elas pero gustaríalles dar o salto.
Do autor: absoluta solvencia tanto no educativo coma no tecnolóxico.

O libro ten un subtítulo moi, moi explicativo: Proyectos con programas gratuitos para formar ciudadanos de la sociedad del conocimiento. Aí queda eso.

Por último PERO IMPORTANTÍSIMO, o libro inclúe dos apéndices moi necesarios:
1.- Os datos persoais e a nube
2.- As licenzas: dereitos de cita e como se usan os materiais alleos.
Unha leccción necesaria sobre ética que, con demasiada frecuencia esquécese.

Autor: José Antonio Millán
Editorial SM
Colección: Tecnología y aprendizaje
Madrid 2009

A favor das familias.

2010-02-03T11:25:00.000+01:00

A Editorial A Fortiori ven de presentar en sociedade esta colección: En favor de todas las familias.
Os libros teñen como obxectivo despertar o respecto por tódolos modelos de familia que hoxe xa están presentes entre nós.
O modelo tradicional xa non é o modelo no que viven TODOS os escolares. E a literatura ten que dar unha resposta.Familias monoparentais, homosexuais, nenos e nenas adoptados, pais e nais separados ou divorciados, familias multirraciais... son rrealidades que viven os nenos e nenas.

O primeiro dos valores é o AMOR, e esa é precisamente a orientación dos textos que non son CONTRA nada nen ninguén, senón A FAVOR.

Descoñezo a calidade literaria dos libros porque non tiven nas mans ningún pero, aínda así, arrisco a dicir que se trata dun producto necesario.

Agora só falta que, ademáis de en euskera e castelán poidamos lelos en galego.

Metade anxo, metade marisco

2010-01-14T16:10:00.000+01:00

Hoxe traio ate aquí unha obra que non é infantil. Pero cómpre poñela en valor e difundila polo que ten de especial.
Trátase dun cofre con materiais diversos sobre esta artista da que xa falamos noutra ocasión e que, persoalmente, me fascina.
A ficha deixovola ÁQUI para que teñades tódolos datos técnicos e poidades adquirir a publicación se o desexades.
Estivemos na exposición que lle adicou CaixaGalicia en Vigo e gozamos coa súa obra.
Diante dela nunca podo evitar o pensamento de que foi duramente castigada polos seus colegas de xeración e polos que viñeron despois, mesmo ó esquecemento, por ser muller.

Foi unha muller especial, unha artista adiantada ó seu tempo.
Non vos perdades o documental de Antón Reixa "Metade anxo, metade marisco", definición de Maruja que, ó parecer, debémoslle a Dalí.
Disfrutade con el...SE CONSEGUIDES TOPALO.

(Á Coruña chegaron 5: 3 en castelán e 2 en galego, porque seica pensaron que non se ía vender)
Eu, como debíjn ser moi boíña, recibino como agasallo dos Reis.

TIC-TAC

2010-01-10T13:25:00.000+01:00

Aínda non o temos. Así que...¡tranquilidade!
Pero estamos a puntiño de incorporalo para deleitarnos con el.
Trátase dunha desas obras deliciosas que, combinando música (Pablo Díaz) con poesía e ilustracións (Marc Taeger) lévanos da man...¡a cantar!
Parécenos que este é un eido a coidar especialmente: ¿que lles cantamos? ¿que lles ensinamos a cantar? Nenos e nenas gustan de cantar cando xogan, cando van no coche coa familia... e precisamos estes productos.
Cantados por Xabier Díaz, Guadi Gallego, Carmen Rey, Ruote... Xurxo Souto e Santiago Auserón colaboran respectivamente no prólogo e no epílogo.
Unha vez máis Kalandraka achéganos un producto de calidade e necesario.
PARABENS.
Información sobre a presentación en Ferrol, no blog do Segrel

Mil cousas poden pasar

2009-12-29T18:37:00.000+01:00

Anque esá na nosa guía de Libros redondos, e polo tanto xa sabedes que opinión nos merece, penso que paga a pena adicarlle unha entrada propia a este libriño de Jacobo Fernández.
Ademáis de ser Premio Merlin de Literatura Infantil, e de que Jacobo é un amigo especila de Leo, ademáis desto, resulta que é un libro FERMOSO.
Ocurrente, divertido. lóxico, surrealista, máxico, coherente... Jacobo describe minuciosamente o mundo de dentro do mar e o de fóra do mar. Explica o nacemento da monarquía, as crecidas e estiaxes dos ríos... sen moito problema nunha obra coral onde todo, todo ten sentido.
Xa con A Pedra e as formigas, a editorial tivera unha deferencia especial e editouno nun papel de calidade. O mesmo ocurre agora, cousa que agradecemos porque o primeiro que encanta do libro é a forma, o gustiño que dá collelo entre as mans. Logo, as ilustracións: sempre limpas e suxerentes. E despois...¡o texto!
O dito: unha marabilla para disfrutar.
Sempre nos gustou o traballo deste autor que comezou cos Amigos de Archimboldo Roque e a quen vemos medrar en cada obra.

Libros redondos

2009-12-13T20:01:00.000+01:00

A guía das nosas recomendacións para este Nadal.
Son libros redondos porque... comprobao ti memso/a.
Non teñen idade.

O meu pequeno animalario

2009-11-16T12:24:00.000+01:00

Recibimos con moita alegría esta nova colección da Editorial Baía. Chámase: O meu pequeno animalario... e, de momento ten catro títulos:

Os animais da granza
Mares, ríos e lagos
A montaña e o bosque
As crías dos animais salvaxes

Son libros físcamente moi bonitos: cores, capa dura e acolchada... pero o máis interesante está dentro:

Información a doble páxina de cada animal: catro párrafos informativos en forma de resposta a unha pergunta redactados de xeito claro e sinxelo; unhas preguntiñas con resposta múltiple para lembrar o exposto, unha ficha de identidade e un pequeno glosario de termos.

Materiais así facilitan o noso traballo de difusión de técnicas ALFIN e introducen a nenos e nenas no estudo descriptivo das especies.

O dito: unha marabilla.

Só nos queda esperar que continúe a serie.

Entre pais e fillos... PICURRUCHOS

2009-11-10T12:08:00.000+01:00

Non sei se deste libro me namoraron máis as ilustracións (Joao Vaz de Carbalho) ou o texto (Mar Pavón). Sei que me encantou.
Dun xeito sinxelo conta unha historia sinxela. E fala de como ós pais (a nai, neste caso) erran cando tentan pasar os seus propios medos, fobias, gustos... ós seus fillos.
Un tema moi serio, por outra banda. Pero tratado, neste caso, con dozura, levidade e HUMOR!!!

Animais de compañía

2009-10-29T16:46:00.000+01:00

Isto non é unha novidade (está no mercado desde o ano 98) pero o outro día, falando de libros cunhas amigas, saquei a conversa do que disfruto con el, do que lles gusta ós nenos e nenas, de canto partido lle quitamos en 5º cada curso... de como estimula a imaxinación...do potentes que son ese texto tan breve (Manuel Lourenzo) e esas imaxes tan coidadas(Enjamio)...

Contar, conta a historia da Señá María, a súa soidade e os efectos de "radio-makuto".
Vouvos deixar o enlace ó que fixeron o ano pasado con el os nenos e nenas que agora están en 6º.
que non é manipulación xenética, é creación

"Animais de compañía", Manuel Lourenzo. Kalandraka 1998.

Experimentos con pelos

2009-09-24T13:03:00.000+02:00

A Editorial Afortiori ven de publicar este libro tan suxerente: 10 Experimentos con pelos que vimos na páxina de Cienciainfinita.
Trátase dunha colección de experimentos sinxelos para animar a pequenos (e non tanto!) a entrar no mundo da ciencia aplicada.
A editorial caracterízase por dar este toque simpático ás súas publicacións sen perder rigurosidade.
O libro preséntase na BP González Garcés da Coruña o vindeiro martes 29.
¡Bos experimentos!

Onde viven os monstos

2009-04-25T20:17:00.000+02:00

Esto non é unha novidade. Hai anos que coñecimos esta xoia e, anque tivemos que pasar sen ela durante un tempo, felizmente a Editorial Kalandraka editouno en formato álbum no ano 2000. Mirade se ten anos que se publicou por primeira vez no 1963.
Maurice Sendak conta a viaxe fantástica que fai un neno castigado sen cear no seu cuarto enfrentándose ós seus medos.
Marabilloso.
Pero hoxe lembrámolo porque vimos de enterarnos, polo noso blog amigo Mas que libros, que en breve veremos a película.
Só desexamos que esté á altura da narración.
Entre tanto, mirade este video que topamos en Youtube

Historias color tierra

2009-04-07T12:56:00.001+02:00

Non é unha novidade na nosa biblioteca porque non o incorporamos ós nosos fondos, pero non podo deixar de reseñar este libro que sae ó mercado da man de Planeta Agostini repartido en 3 volúmenes.
Pertence ó subxénero Manhwa ou BD coreana. Moi diferente do Manga ou BD xaponesa.
Trátase dunha fermosísima narración poética de complicidade e crecemento entre unha nai (Namwon)e unha filla (Itwa) nunha pequena aldea coreana.
Kim-Dong-Hwa cóntanos a peripecia vital da pequena Ihwa desde ben nova ata o momento da súa voda seguindo o ritmo no que se suceden as estacións do ano, abordando con delicadeza pero sen ñoñerías os cambios que se suceden no corpo dunha adolescente, a descuberta da sesualidade, as relacións nai-filla, as relacións coas amigas...
Envoltas nunha sociedade tradicional e moralista que as xuzga constantemente, a nai vai fornecendo á pequena Itwa de criterios para enfrentarse con éxito á ela, á vida...e a buscar a felicidade.
Unha historia de AMOR: filial, romántico, vital...
O debuxo sinxelo, esencial, limpo, axuda á historia facendoa aínda máis deliciosa. Se cabe.
Unha reseña máis completa
Eu, que non son unha amante da BD, non puiden resistirme a esta historia que me cautivou desde as primeiras páxinas.

NOTA: Tamén gustará ós que amen as flores porque ofrece´belísimas descripcións delas.

Sobre amor e morte

2009-03-23T12:52:00.000+01:00

Pablo Albo e Miguel Ángel Díez, preséntannos da man de OQO editora este libro fermoso.
Humildemente fermoso.
Hai que abrilo e comezar a ler. É entón cando nos descubre todo o seu brillo, todo o seu calor. Si, calor para a alma. Os nenos e nenas tamén teñen contacto coa morte, e é preciso que a literatura infantil trate este tema, que tamén forma parte da vida e do universo infantil.
Coñeciamos outros exemplo. Escasos, todo hai que dicilo. Pero este último canto, estamos seguras que se convetirá nun clásico.
Ten ben escollida ate a tipografía.
Felicitamos á editorial por telo incluídos nesta colección e felicitámonos nós por ter literartura de calidade para abordar estes temas que, por algunha razón, teñen algo de tabú.

Adiviñas monstruosas

2009-03-10T09:10:00.000+01:00

¡Adiviñen, meus señores!
¡Respondan a esta pregunta!
¿Cal é a cousiña cousa
que che vai pór
os pelos de punta?
¡Adiviñas monstruosas!
¡Aúuuuuuuuuuuuuuuuuuuuuuu!

De novo Gloria Sánchez cargada de humor e poesía para os máis pequenos. Esta vez cunha colección de monstruos domésticos: a man negra, o home do saco, o cocón... bruxas, vampiros, piratas.... e todo o desfile de seres que dan medo.

Os medos dos nenos e nenas tratados, coma decote, con maestría e respecto ós pequenos.

Grazas, Gloria.

O libro está editado por Rodeira na colección Tucán Azul. Xa é do 2006, pero nós vimos de incorporalo.

A cousa que máis doe do mundo

2009-03-09T12:41:00.000+01:00

Hoxe quero falarvos dun libro que non é novidade, pero, tal vez non coñezades aínda.
Un libro que hai que ter lido para que, depende que situacións, non te collan por sorpresa.
Trátase dese que vedes na ilustración e está editado por OQO no ano 2005. Está escrito, (¡E como!) por Paco Liván.

É un deses contos cun texto de encoller e estirar: depende quen o lea, a idade, as súas experiencias... estará a ler un conto distinto.

É unha fábula, claro: unha historia de animais. E... bueno, ía eu dicir algo do final... pero non o direi.
Só vos direi que é un libro deses que quedan para sempre na memoria do lector.
Marabillosas ilustracións de Roger Olmos.
(Non vos perdades a fabulosa páxina deste último)

Tódolos contos ó caixon

2009-03-08T10:20:00.000+01:00

¡Que fermosura!

Acabamos de incorporar o novo traballo do grupo Mamá Cabra a partires duns poemas de Susa Herrera.

Cancións de nenos e para nenos. Feitas con respecto.

O libro contén os poemas e un cd, que as nosas profes xa están usando.

Non andamos mi sobrados de materiais que reúnan calidade musical e literaria en galego. Materiais que respondan á necesidade infantil universal de CANTAR.

Mamá Cabra é un grupo que xa ten feito outras aportacións á música infantil galega. Se queres saber máis sobre eles, preme AQUÍ.

Dispoñemos dous exemplares. ¡Xa podes escoitalos!

Deixámosche unha mostriña do traballo de Mamá Cabra:

A Batalla de naipes

2009-02-10T11:57:00.000+01:00

Escrito por Juan Ignacio Pérez Palomares, ilustrado por Josep Rodés, este libro editado por Kalandraka é unha fermosa parábola sobre a forza do AMOR.

Conta a historia dos reis Cachobruto II e Afiado I o Cruel, dos seus fillos O cabaleiro da Alta Plumaxe e Dona Sota da Espada.... e, de como o seu amor foi quen de acabar coas disputas paternas.
Contado con gracia e ritmo.
Anque non é unha novidade editorial, si o é para a nosa biblioteca porque acabamos de incorporalo.
¡Disfrutádeo!

A historia dunha cita

2009-02-05T09:24:00.000+01:00

Ernesto bo día, é a historia dunha cita.

Cun texto delicioso de José Campanari e unhas ilustracións moi suxerentes de Vaz de Carvalho, João , o libro conta a historia dunha primeira cita de ernesto coa familia da súa noiva.

Para non perdelo!

Textos de información. Primaria

2009-01-12T12:21:00.000+01:00

Aprender a leer y escribir textos de información
David Wray e Maureen Lewis
Ed. Morata, Madrid 1997
Magnífico material para quenes queren achegarse á didáctica da percura de información desde o punto de vista dos máis pequenos. Os autores defenden a idea de que os procesos que se seguen na interacción con textos informativos son básicamente os mesmos para un neno pequeno e para un adulto.
Fanse dúas preguntas:
¿Como se desenvolven as destrezas da lectura e da escrita nos rapaces unha vez que adquiriron a compretencia no básico?. ¿Que eficacia ten a interacción dos rapaces cos libros de non-ficción?

Ó longo do libro van analizando detidamente moitas estratexias e exercicios didácticos que levaron a cabo en colaboración con profesorado de Primaria en Ingaterra.
Un libro básico.

Contos en cantos

2008-10-10T16:11:00.000+02:00

Vía PAI música achegámosvos a información desta marabilla que xa temos nas mans: para ler, para ver, para escoitar...o novo traballo de Almudena Janeiro coeditado por PAI Música e a editorial OQO. Un libro CD-DVD ilustrado que mestura contos e música.

Un traballo pensado como un complemento didactico para incentivar a lectura, que vai dirixido a nenos e nenas entre 3 e 7 anos. O traballo inclúe CD coas cancións e un DVD cos videos e coas letras para cantar en formato "karaoke".

Un traballo precioso e que facía falta nas casas e nas aulas.

¡Que o disfrutedes!

Libros con valor

2008-05-09T14:58:00.000+02:00

Unha nova colección que acabamos de mercar. Ten de singular que son libros pensados para traballar valores: o amor, a xenerosidade, o valor dos libros, a auga, a interculturalidade... tratados dun xeito agradable e nada relamido.

Para nós é unha teima topar con textos que teñan como tema fundamental valores positivos, e mesmo temos un andel adicado a eses libros.
Saúdamos, pois esta achega de 6 títulos da Editorial Nova Galicia Edicións
O zapateiro máxico
Kofu: o neno de chocolate
Os xemelgos
A billa de Xoán
O pequeno Yared
A moeda de ouro

Divulgacion cientifica para pequenos

2008-05-05T12:00:00.001+02:00

A Factoría F no Caixón de ciencia, acaba de sorprendernos coa edición desta colección que nos facía tanta falta: a colección PEQUECHOS
Efectivamente non dispuñamos no mercado de moitos materiais para traballar a educación documental cos máis pequenos: libros de coñecementos adaptados a quenes aínda están a aprender a buscar a información nos libros.

Os libros, ademáis de estar ben editados, presentan a información de xeito claro e comprensibel acompañadas dunhas fotografías preciosas.

De momento hai seis títulos:
...das terras polares
...do deserto
...das praderías e das sabanas
...dos ríos e dos lagos
...da selva
...das montañas

Esperamos que a colección siga ampliándose. Esperamos tamén que os demáis editores comecen a tomar os libros de contidos (científicos e rigurosos) para pequenos coma unha prioridade.

Unha de princesas

2008-04-30T16:52:00.000+02:00

Chama a atención só con velo polas ilustracións ¡que fermosura este traballo de Maja Celija! a quen xa coñeciamos por outros traballos ... pero este é maxistral. Só con ver a capa do libro dan ganas de...¿lambelo?
A historia: fermosa. Relaciona o amor e a choiva, algo moi propio para esta terra.

Para ler e disfrutar porque hai días en que o amor cae do ceo

Libros de ... outros amores

2008-04-30T16:42:00.000+02:00

Ultimamente as editoriais veñen dándonos mostras de outras formas do amor na literatura. Abundan as historias nas que o amor xurde entre seres aparentemente desiguais... pero o sentimento aparece.

Boas ocasións para falar da diferencia e as súas posibilidades: un elefante e unha formiga... un esquío e un peto... ¡non ten nada de raro!
Velaí dous exemplos de OQO editora para lectores a partires de 7 anos.

En Un segredo do bosque, toparedes ademáis unhas fermosísimas descripcións de como se sinte o enamoramento.
¡Que fermosa maneira de preparar para a vida!
¡Que os disfrutedes!

Todas as Respostas ás Preguntas que nunca te Fixéches

2008-04-14T11:07:00.001+02:00

Traemos hoxe un libro de Kalandraka, dos últimos que chegaron ás nosa biblio e que está a ter moito éxito.
¿onde e cando se instalou o primeiro semáforo?
¿Por que se chaman así as notas musicais?
¿Quen decidiu que os Cd teñan 12 cm de diámetro?
¿De onde vén a @?....
e moitas outras perguntas (coa súa correspondente resposta).
Un libro moi axeitado para compartir lecturas entre pais e fillos.

Inclúe, no comezo do libro, un indice ordenado por temas o que fai máis sinxela a búsqueda.

Temos exemplares en galego e castelán

Día da muller traballadora

2008-03-07T16:04:00.000+01:00

Hoxe , os pequenos leron este libro. Como tamén trae un disco cun audiovisual: tamén o viron.

Aldara é unha nena que vive nunha aldea e conta un sucedido nun día de treboada, no que súa nai quedou coma unha heroína para toda a aldea. ¿Porqué? porque é a millor conductora de tractores de toda a volta.

Un bonito conto de María de Mata ilustrado por Mariana Riestra. Publicado pola Xunta de Galicia na colección Contos da igualdade.

Inclúe un DVD

Ideal para educar nos valores da igualdade... a quenes aínda non hai que reeducar.

Maruja Mallo

2008-03-05T17:28:00.000+01:00

Para achegarse á figura desta excelente pintora. José Luís Ferris escribiu un libro moi, moi documentado, cheo de rigor e de admiración.

Non só nos achegamos a Maruja senón tamén á súa época: o Madrid dos anos vinte, o ambiente da Residencia de Estudiantes: Lorca, Dalí, Alberti..., a Guerra Civil, o exilio....

Un libro delicioso, no mais puro estilo biográfico.